LATEST :

Friday, June 19, 2015

Alfred Pennyworth

Alfred Pennyworth (Supporting Character)


ටිකක් පරක්කු වෙලා හරි ඔන්න් මම අද සුදානම් වෙන්නේ බැට්ෆැමිලි එක යටතේ එන තවත් වැදගත් චරිතයක් වෙන අපි කාගේත් ආදරයට ලක්වෙච්ච ඇල්ෆ්රෙඩ් එහෙමත් නැත්තම් ඇල්ෆි ගැන කතා කරන්න.. බැටා ගේ කස්ටියේ ඉන්න වැදගත්ම චරිතය ඇල්ෆ්රෙඩ් කියල කිව්වොත් මම හිතන්නේ හරි.. මට හිතෙන විදිහට ඒකට හොඳම උදාහරණය තමයි new 52 කතා පටන් ගන්නකොට බ්රුස් ගේ ෆේෂල් රෙකග්නිෂන් ප්‍රෝග්‍රෑම් එක රන් කරලා චරිත හඳුන්වා දෙනකොට,රොබින් ල තුන්දෙනා ගේ ඇක්සෙස් ලෙවල් එකට වඩා ඇල්ෆ්රෙඩ් හේ ඇක්සෙස් ලෙවල් එක වැඩි කියල පෙන්නන එක..
      

Alfred Thaddeus Crane Pennyworth කියන්නේ සාමාන්‍ය සේවකයෙක්ට එහා ගිය දැවැන්ත කොමික් චරිතයක්.. මුලින්ම ඇල්ෆ්රෙඩ් කොමික් ලොව කල එලි බහින්නේ Batman #16 තුලින්,ඒ 1943 අප්‍රේල් වලදී.. batman චරිතය නිර්මාණය කරපු Bob Kane සහ Bill Finger දෙන්න Jerry Robinson කියන කොමික් චිත්රකරුවා එක්ක එකතු වෙලා තමයි මෙයාව නිර්මාණය කලේ..

සරලවම කියනවා නම් ඇල්ෆ්රෙඩ් කියන්නේ බ්රුස් වේන් ගේ සේවකයා,නමුත් දෙමව්පියන්ගේ මරණයෙන් පස්සේ බ්රුස් ගේ භාරකාරය/දෙවෙනි තාත්තා.. එක නිසා කොතනකදී වත් මම කැමති නෑ ඇල්ෆ්රෙඩ් සේවකයෙක් කියල කියන්න.. බ්රුස් වේන් batman වෙන ගමනදී ලොකු සහයෝගයක් ඇල්ෆ්රෙඩ් ගෙන් ලැබෙනවා.. එක නිසා වීරයෙක්ව බිහිකරපු චරිතයක් විදිහටත් හඳුන්වන්න පුළුවන්..

වේන් මන්දිරයේ ප්‍රධාන පාලකයා,බ්රුස් වේන් ගේ රියදුරා විතරක් නෙමෙයි බැට්කේව් එකේ පාලකයෙක් වගේම සමහර වෙලාවට batman ගේත් රියදුරා විදිහට ඇල්ෆ්රෙඩ් ව හඳුන්වන්න පුළුවන්..

ඒ විතරක් නෙමෙයි බ්රුස්/බැට්සි දෙන්නගෙම හොඳම යාළුවා.. කොටින්ම කියනවා නම් සුපිරි වීරයන් අතර සුපිරි වීරයෙක් වෙච්ච batman ගේ සුපිරි වීරයා වෙන්නේ ඇල්ෆ්රෙඩ්..

අපේ යාළුවො ගොඩකට තියෙන ප්‍රශ්නයක් තමයි අපි කොමික් වලින් සහ කාටුන් වලින් දකින ඇල්ෆ්රෙඩ් සහ ලයිව් ඇක්ෂන් ෆිල්ම්ස්/tv සිරිස් වල ඇල්ෆ්රෙඩ් එකිනෙකට සම්පුර්ණයෙන්ම වෙනස් ස්වරූප දෙකක් ගන්න එක(මටත් ඕක ඉස්සර තිබුන ප්‍රශ්නයක්) එත් එතන ගොඩක් අය නොදන්නා රසවත් කතාවක් තියෙනවා..

ඇල්ෆ්රෙඩ් ගේ මුල්ම කාලේ කොමික් වල පෙනුම නම් ටිකක් මහත්,රැවුල සම්පුර්ණයෙන්ම කපපු විදිහට හදලා තියෙන්නේ.. හරියට නිකන් ඩාර්ක් නයිට් වලදී,ගෝතම් වලදී අපි දැකපු විදිහම තමයි.. එත් 1943 batman ටෙලිවිෂන් කතාමාලාවේදී ඇල්ෆ්රෙඩ් චරිතය රඟපාපු William Austin ටිකක් කෙට්ටුයි..ඒ මදිවට හීනි උඩු රැවුලක් වවලා හිටියේ.. මේ පෙනුම නිසා ඇල්ෆ්රෙඩ් ට තවත් ගාම්භීර සහ වෙනස්ම් විදිහේ ආකර්ශනීය පෙනුමක් ලැබෙනවා කියල තේරුණා කොමික් එඩිටර්ස් ල තීරණය කළා කොමික් වලදීත් ඇල්ෆ්රෙඩ් ට මේ පෙනුම ලබා දෙන්න. අන්න ඒ කාරණය නිසා තමයි 1944 දී ආපු Detective Comics #83 කලාපේ ඉදන් දිගටම අපිට මේ පෙනුම දැකගන්න පුළුවන් වෙන්න..

~ ඇල්ෆ්රෙඩ් ගේ හැකියාවන් ගැන කතා කරනවා නම් මුලින්ම කියන්නේ ඕනේ වේන් මන්දිරයේ සේරම කටයුතු වල ලොක්කා තමයි ඇල්ෆ්රෙඩ්.

~ ඇල්ෆ්රෙඩ් ගේ අතීත කතා වල ගොඩක් තැන්වලදී තමන්ගේ තාත්තා ජාවිස් ගේ ඉල්ලීම නිසා බට්ලර් කෙනෙක් වෙන්න කලින් නළුවෙක් විදිහිට බ්‍රිතාන්‍ය වේදිකා නාට්‍ය වල රඟපාලා තියෙනව කියල තමයි සඳහන් වෙන්නේ..

~ බ්රුස්/බැට්සි ට ප්‍රථමාධාර වලින් උදව් කරන්න වගේම සමහර අවස්ථා වලදී ඊටත් වඩා එහාට ගිය ෙෙවද්්‍ය විද්‍යාත්මක දැනුමක් තියෙනවා.. එකට හොඳම උදාහරණ තමයි Batman: Knightfall සහ Batman: Hush වලදී පිලිවෙලින් බේන් නිසා කොඳු ඇට කැඩෙන,හශ් නිසා ඔලු කට්ට පුපුරන බැටා ව රෝහලකට අරගෙන යන්නේ නැතුව යතා තත්වයට පත්කරන්න ඇල්ෆ්රෙඩ් සමත් වෙන එක..

~ බැටා තරම්ම නැති උනත් ඇල්ෆ්රෙඩ් කියන්නෙත් දක්ෂ මාෂල් ආටිස්ට් කෙනෙක්.

~ ඒ වගේම තමයි හොඳ බුද්ධියකින් සහ (සාමාන්‍ය මට්ටමේ) රහස් පරීක්ෂක හැකියාවක් සහ හොඳ ඔත්තු බැලීමේ හැකියාවක් තියෙන කෙනෙක්.. මේ හැකියාවන් ලැබෙන්න හේතුව වෙන්නේ ඇල්ෆ්රෙඩ් ගේ ජනප්‍රියම අතීත කතාවක් වෙන බ්‍රිතාන්‍ය රහස් ඔත්තු සේවයේ වැඩ කරපු එක.. මිට අමතරව සමගර තැන්වල බ්‍රිතාන්‍ය රාජකීය ගුවන් හමුදාවේ සේවය කළා කියලත් කියවෙනවා..

~ මිට අමතරව බැට්සි ට උදව් කරන අතර තුර වර්ධනය කරගත්ත හැකින් ස්කිල්ස්,ප්‍රෝග්‍රෑමින් ස්කිල්ස්.ඉලෙක්ට්‍රිකල් සහ කම්පියුටර් ඉංජිනියරින්,කෙමිකල් ඉංජිනියරින්, බයෝ මෙඩිකල් ඉංජිනියරින්,නැනෝ ටෙක්නොලජි සහ බයෝටෙක්නොලොජි පිලිබඳ දැනුම වගේ දේවලුත් තියෙනවා..

අල්ෆ්රෙඩ් ව අපි ටෙලිවිෂන්ය තුලින් William Austin,Alan Napier,Ian Abercrombie යන අයගෙන් දැකගන්න ලැබුනා වගේම අපේ මතකයේ හොඳටම රැඳෙන විදිහට Sean Pertwee ගෝතම් වලදී ඇල්ෆ්රෙඩ් ගේ චරිතය ඉදිරිපත් කළා.. මට මතකයි ගෝතම මිඩ් සීසන් ෆිනාලේ එකට කලින් සමහර අවස්ථා වලදී ඒ චරිතය tv සිරිස් වල underrated චරිත අතරට දිගින් දිගටම එකතු උනා.. එත් කතා මාලාවේ අවසාන හරිය වෙනකොට ඒක සම්පුර්ණයෙන්ම වෙනස් වෙලා රසිකයන්ගේ කැමැත්ත දිනාගත්ත චරිතයක් විදිහට මතු උනා.. ගෝතම් කතා මාලාවේදී කිසිම චරිතෙකට අසාධාරණයක් උනේ නෑනේ කොහොමත්..

ඇනිමේෂන් වලදී Olan Soule විසින් Batman: The Animated Series එකේදී සහ ඊට සමගාමිව ආපු චිත්‍රපට වලදී ඇල්ෆ්රෙඩ් ට තමන්ගේ හඬ ලබාදුන්නා.. ඊට අමතරව William Callaway,Andre Stojka,Clive Revill වගේ අයත් හඬකැවීම් සිද්ධ කළා..

The Dark Knight Trilogy එකේදි සමානනිය නළු Michael Caine විසින් ඇල්ෆෙරෙඩ් චරිතය නිරුපනය කළා.. ඊට අමතරව තව ගොඩක් දෙනෙක් අල්ෆ්රෙඩ් විදිහට රඟපාලා තියෙනවා..

2016 දී එන්න තියෙන BvS වලදී ඔස්කාර් සම්මානලාභී Jeremy Irons තුලින් අපිට ඇල්ෆෙර්ඩ් චරිතය නැවතත් දැකගන්න ලැබේවි..

#ClownPrinceOfCrime

 Comic Script ලිපිය


Wednesday, June 17, 2015

Avatar Articles No:15

Avatar Articles No:15


Avatar Korra - ඇවටර් කෝරා

කෝරා යනු ඇවටර් ඈන්ග් ට පසුව ඉපදුනු ඇවටර් වරියයි.එනම් ඇවටර් ගේ වර්තමාන උත්පත්තිය යි.ඇය දක්ෂිණ ජල ගෝත්‍රයේ ඉපදී ඇත.ඇය දක්ෂිණ ජල ගෝත්‍රයේදී ජලබන්ධනය,භූමිබන්ධනය හා අග්නිබන්ධනය ප්‍රගුණ කල අතර වායුබන්ධන හා ආධ්‍යාත්මික පුහුණුව ලැබීමට ඇය වයස 17 දී ජනරජ නගරයේ (Republic City) ටෙන්සින් (Tenzin) වෙත ආවාය.මුලදී වායුබන්ධනය කිරීමට ඇය අසමත් වූවත් පසුව ඇය එම හැකියාව ලබා ගත්තාය. ඇවටර් ඈන්ග් ඇතුළු තම පසුගිය ආත්ම සමග සම්බන්ධ වීමට ඇය සමත් වූ පසු ඇවටර් ඈන්ග් විසින් ඇයට ශක්තිබන්ධනය කිරීමේ දැනුම ලබා දෙන ලදී. (1 රූපය) එම පසුගිය ආත්ම සමග සම්බන්ධ වීමේ අවසතාවෙන් පසුව ඇය, තමන් කැමති අවස්තාවක ඇවටර් සමාධියට පිවිසීමේ හැකියාව සහිත වූ පරිපූර්ණ ඇවටර් වරයෙකු (Fully Realized Avatar) බවට පත් වූවාය.ඒ ඇගේ වයස 17 දීය.
                                       

ශක්තිබන්ධනය(Energybending) පමණක් නොව ඇය ජලබන්ධනයේ උපබන්ධන හැකියා වන සුවකිරීමේ බලය(Healing) හා ආත්මබන්ධන(Spiritsbending) බලයද, භූමිබන්ධනයේ උපබන්ධන හැකියාවක් වන ලොහබන්ධන(Metalbending) හැකියාවද ලබාගෙන ඇත.වයස 18 දී ශරීරගත වූ ලෝහමය විෂක් නිසා ඇයට තම පසුගිය ආත්ම සමග සම්බන්ධ වීමේ හැකියාවද ඇවටර් සමාධියට පිවිසීමේ හැකියාවටද බාධා එල්ල විය.කෙසේ වෙතත් වයස 23 දී ඇය මෙම තත්වයෙන් මිදී නැවත ප්‍රකෘති භාවයට පත් වූවාය.

ඇවටර් ඈන්ග් ගේ මරණයෙන් පසුව 153 AG හිදී කෝරා දක්ෂිණ ජල ගෝත්‍රයේ පාලක ටොන්රාක් (Tonraq) ට හා ඔහුගේ බිරිද සෙනා (Senna) ට දාව කෝරා ඉපදී ඇත.(2 රූපය) ඇයට වයස 4 දී සුදු නෙලුම් නිකායික (The White Lotus) සාමාජිකයන්ට ඇය ඇවටර් බව තේරුම් ගියේ ඇය ඒ වනවිටත් ජල,භූමි හා අග්නිබන්ධනයට සමත්කම් දැක් වූ හෙයිනි.එයට වසරකට පසු උත්තර ජල ගෝත්‍රයේ පාලක (ටොන්රාක් ගේ සහෝදරයා වූ) උනලාක් (Unalaq) ඇය ව බැලීමට පැමිණ ඇය ජල ගෝත්‍රික ආධ්‍යාත්මික පුහුණුව ලබා දීමට උත්තර ජල ගෝත්‍රයට ගෙනයාමට තම සහෝදරයාගේ අවසරය බලාපොරොත්තු විය.නමුත් එයට ටොන්රාක් ගෙන් අවසර හිමි වූයේ නැත.(උනලාක් රතු නෙලුම් නිකාය [The Red Lotus]නම් රහස් සංවිදානයේ සාමාජිකයෙකු විය. රතු නෙලුම් නිකායේ බලාපොරොත්තුව වූයේ ඇවටර් කෝරා කුඩා කලදීම ඇය ව මරා දැමීමටය.ඔවුන් ඒ සදහා උනලාක් ව දක්ෂිණ ජල ගෝත්‍රයට යැවූ නමුත් උනලාක් ගේ රහසිගත සැලැස්ම වූයේ ඇය මරා නොදමා කුඩාකල සිටම අනුවර්තීය හෝරාවේදී[Harmonic Convergence] වාටු[Vatu] ව නිදහස් කිරීමට පුහුණු කර වීමය.) මෙම සැලැස්ම හරිගියේ නැති විට ඔහු කුඩා කෝරා ව පැහැර ගෙන ඒමට රතු නෙලුම් නිකායේ ප්‍රධාන සාමාජිකයන් වූ සහීර්(Zaheer), මින්-හුවා(Min-Hua), ගසාන්(Ghazan) හා ප-ලී(P’Li) මෙහෙය වූයේය.කෙසේ වෙතත් ප්‍රධානී සොකා(Chief Sokka), ටොන්රාක්(Tonraq), ටෙන්සින්(Tenzin) හා අධිපති සූකෝ(Lord Zuko) එක්ව මොවුන් පරාජය කොට ඔවුන්ව, ඔවුන්ට ඔවුන්ගේ හැකියාවෙන් ප්‍රයෝජන ගත නොහැකි ස්ථාන වල තනවන ලද අධි ආරක්‍ෂිත සිරගෙවල් සතරක සිර කරන ලදී.මෙම සිදුවීමෙන් පසු කෝරා අනෙක් මූලධාතු 3ම ප්‍රගුණ කරන තෙක් ඇයව දක්ෂිණ ජල ගෝත්‍රයෙන් පිටතට නොයවන බවට එකගතාවයක් ටෙන්සින් හා ටොන්රාක් අතර ඇති විය.

ඉන්පසු ඇය තවත්වසර 12ක් දක්ෂිණ ජල ගෝත්‍රයේ ගතකර ජල, භූමි, හා අග්නිබන්ධනය ප්‍රගුණ කලා ය.මේ අතරතුර කාලයේ ඇයට ඇගේ සත්ව හිතවතා වූ නාගා(Naga) නමැති හිමවලස් බැල්ලිය(Polar Bear Dog) ව මුණ ගැසී ඇත.

ඉන්පසු ඇය වයස 17 දී ටෙන්සින් යටතේ වායුබන්ධනය හා ආධ්‍යාත්මික පුහුණුව ලැබීමට ජනරජ නගරයට ගිය අතර එහිදී ඇයට ඇගේ (පසුකාලීනව) හොදම මිතුරන් හා ඇවටර් කණ්ඩායම(Team Avatar) බවට පත්වූ මාකෝ,බොලින්,අසාමි යන මිතුරන් හමු විය.(3රූපය)

*** ඇවටර් කණ්ඩායම (Team Avatar)***
1. Avatar Korra (17)
2. Mako (18) [අග්නිබන්ධකයෙක්.භූමිවංශික සාන්(San) හා අග්නිජාතික නෝකි(Noaki) ගේ වැඩිමහල් දරුවා.බෝලින් ගේ සහෝදරයා]
3. Bolin (16) [භූමිබන්ධකයෙක්. භූමිවංශික සාන්(San) හා අග්නිජාතික නෝකි(Noaki) ගේ බාල දරුවා.මාකෝ ගේ සහෝදරයා]
4.Asami (18) [නිබන්ධකයෙක්.‘අනාගත’ කර්මාන්ත ජාලයේ(Future Foundations) ප්‍රධානියා වූ හිරෝෂි සාටෝ(Hiroshi Sato) ගේ හා යසුකෝ(Yasuko) ගේ දියණිය.]
5. Pabu [බෝලින් ගේ සුරතල් සත්වයා]
6.Naga [කෝරා ගේ සුරතල් සත්වයා]

තමන්ගේ වායුබන්ධක පුහුණුවීම් අතරතුර කාලයේ රාත්‍රිකාලයේදී කෝරා, බන්ධක සටන් භූමියේ(Pro-bending Arena) පැවතුනු බන්ධක සටන්වල(Pro-bendig) නියලුනාය.ඒ ජලබන්ධකයෙකු ලෙස තම මිතුරන් වූ මාකෝ හා බොලින් සමග ගිනි මුගටියන් (Fire Ferrets) පිල නියෝජනය කරමිනි. (4 රූපය) මෙම කාලයේදීම රුදුරු රුධිරබන්ධකයෙකු වූ අමොන්(Amon) හා ඔහු විසින් නොමග යවන ලද ඔහුගේ නිබන්ධක හමුදාව/සමානාත්මවාදීන්(Equalists) සමග සටන් කිරීමට කෝරා ඇතුළු ඇවටර් කණ්ඩායමට සිදු විය.(5 රූපය)

අමොන්ගේ පරාජයෙන් වසරකට පමණ පසු 171 AG හිදී අනුවර්තීය හෝරාවේදී කෝරා ට වාටු(Vatu) ආරුඪ වී අදුරු ඇවටර් වරයා(Dark Avatar) බවට පත්ව සිටි තම මාමා වූ උනලාක් සමග සටන් කිරීමට සිදු විය.(6 රූපය) කෙසේ වෙතත් මෙම සටනින් කෝරා ට වාටු විනාශ කර දැමීමට හැකි වූවත් සිදුවූ අනතුරකින් ඇයට පෙර ඇවටර් වරු සමග තිබු ආධ්‍යාත්මික සබදතාවය අහිමි විය.මෙම සටනින් පසු ඇය ඉතා භයානක තීරණයක් ගත්තාය.එනම් මේ දක්වා ලෝක 2ක් ලෙස වෙන්ව පැවතී ආත්ම ලෝකය හා භෞතික ලෝකය (Spirits World and Physical World) එකට යාකරන දොරටු වූ ආත්ම ද්වාර(Spirit Portals) නැවත වසා නොදමා ඒවා සදාකාලයටම විවෘත කර තැබීමටයි.මේ සමගම ඇය පවසා සිටියේ ඇවටර් තවදුරටත් ආත්ම ලෝකය හා භෞතික ලෝකය එකට සම්බන්ධ කරන පාලම නොවිය යුතු බවයි.

අනුවර්තීය හෝරාවෙන් දෙසතියකට පමණ පසු, කෝරා මෙම ආත්ම ද්වාර වසා නොදැමූ බැවින් භෞතික ලෝකයේ සිටි සමහරක් නිබන්ධකයන්ට වායුබන්ධක හැකියාව ලැබුණි.මේ අතර සිරගතව සිටි (නිබන්ධකයෙකු වූ)සහීර් තමන්ට ලැබුණු නව හැකියාව ප්‍රයෝජනයට ගෙන ඉන් පලා ගොස් අනෙක් සිරගෙවල් වලින් තම මිතුරන් බේරා ගැනීමට සමත් විය.මොවුන්ගේ(රතු නෙලුම් නිකායේ) අරමුණ වූයේ ‘ලොව එහි ස්වභාවික පිළිවෙලට සකස් කිරීමයි.’ එමනිසා ඔවුන් විශ්වාස කලේ ලොවට ඇවටර් වරයෙකු විසින් සමතුලිතතාවය ගෙනා යුතු නොවන බවයි. එමනිසා මොවුන් උත්සාහ කලේ ඇවටර් ලොවින් තුරන් කිරීමටයි.කෙසේ වෙතත් මොවුන් අවසානයේ, ඇවටර් වූ කෝරා ව පැහැර ගැනීමට සමත් විය.ඉන්පසු මොවුන් උත්සහ කලේ කෝරාගේ සිරුරට යම් ලෝහමය විෂක් ඇතුළු කර එහි උදව්වෙන් ඇය ව ඇවටර් සමාධියට පත් කරවා ,එම අවස්ථාවේදී ඇය මරා දමා ඇවටර් චක්‍රය අවසන් කිරීමටයි.කෙසේ වෙතත් අවසානයේ කෝරා ට හා මිතුරන්ට රතු නෙලුම් නිකාය පරාජය කිරීමට (7 රූපය) හැකිවූ නමුත් තමා තුල වූ ලෝහමය විෂ හේතුවෙන් කෝරා ආබාධිත තත්වයට පත් වූ අතර ඇයට ඇවටර් සමාධියට පිවිසීමේ හැකියාව නොමැති විය.

කෙසේ වෙතත් නැවත දක්ෂිණ ජල ගෝත්‍රයට ගොස් කටාරා ගේ උදව්වෙන් ඇය නැවත තම ඇවිදීමේ ශක්තිය ලබා ගත්තත් ඇයට ඇවටර් සමාධියට පිවිසීමේ හැකියාව නැවත ලැබුනේ නැත.එමනිසා ඇය තම දෙමාපියන්ට තමන් පෙරලා ජනරජ නගරයට යන බව පවසා තනිවම ලොව වටා සංචාරයකට පිටත් විය.අවසානයේ ඇයට ඇවටර් ඈන්ග්ගේ භූමි බන්ධක ගුරුවරයා වූ ටොෆ් (Toph) හමු වූ අතර ඇයගේ මගපෙන්වීම යටතේ තමන් ගේ සිරුර තුල වූ ලෝහමය විෂ ඉවතට බන්ධනය කර දැමීමට ඇය සමත් වූවාය.මෙතුලින් කෝරා හට නැවත ඇවටර් සමාධියට පිවිසීමේ හැකියාව ලැබුණි.මේ අතර සහීර් භූමි රැජින හෞ-ටින්ග් (Hau-Ting) මරා දැමීම හේතුවෙන් නැවතත් භූමි රාජධානිය එක්සත් කිරීමේ වගකීම පවරනු ලැබ තිබු කුවීරා (Kuvira) ඒ සදහා දැඩි ආක්‍රමණශීලි ප්‍රතිපත්තියක් අනුගමනය කිරීම නිසා කෝරා ට ඇය සමග සටන් කිරීමට සිදු විය.ජනරජ නගරයේ සිදුවූ එම අවසන් සටනේදී කුවීරා ගේ ආත්ම දාම ආයුධය හේතුවෙන් ජනරජ නගරය මධ්‍යයේ නව ආත්ම ද්වාරයක් නිර්මාණය විය. කෙසේ වෙතත් කුවීරා පරාජය කිරීමට කෝරා ඇතුළු පිරිසට හැකි විය. (8 රූපය) මෙම යුද්ධයෙන් පසු කෝරා හා අසාමි අතර ආදර සම්බන්ධතාවයක් ද ඇති විය.

***පෞරුෂත්වය***

තමන්ගේ පෙර බවයේ ඇවටර් ඈන්ග් මෙන් නොව කෝරා දැඩි,නොඉවසිලිමත්,රළු,තද චරිතයක් විය.නමුත් ඇයටද ඈන්ග් මෙන්ම කරුණාවන්ත හදවතක් පිහිටා තිබුණි.නමුත් ඈන්ග් සියලු ප්‍රශ්න සාමකාමීව විසදා ගැනීමට තැත් කල චරිතයක් වූවත් කෝරා සෑමවිටම ප්‍රශ්න විසදීමට කටයුතු කලේ ගැටුම් ඇති කර ගනිමිනි.

***හැකියාවන්***

කෝරා අතිශය දක්ෂ බන්ධකයෙකු විය.ඇය එදා මෙදා තුර ජීවත්ව සිටි ශක්තිබන්ධනය කළහැකි වූ දෙවන මනුෂ්‍යයා විය.තවද ඇය සතුව ජලබන්ධනයේ උප බන්ධන හැකියා වූ සුවකිරීමේ හැකියාව හා ආත්මබන්ධන හැකියාවද තිබුණි.එපමණක් නොව භූමිබන්ධනයේ උපබන්ධන හැකියාවක් වූ ලෝහබන්ධන හැකියාවද ඇය සතු විය.ඇය සතුව නම්‍යශීලී භාවය, සමබරතාවය හා නිරායුධ සටන් කළා වල ප්‍රගුනත්වයද තිබුණි.කෙසේ වෙතත් ඇය සතුව අසාමාන්‍ය කාය ශක්තියක් ද තිබුණි.(කෝරා එක් අවස්තාවක ටෙන්සින් හා ඔහුගේ දරුවන් තිදෙනාද එකවිට ඔසවා ඇත.) (9 රූපය)
ඇවටර් කෝරා වයස 17දි පරිපූර්ණ ඇවටර් වරියක් බවට පත් වූවාය.

***Avatar Korra***

__Biographical information__

Nationality- Southern Water Tribe
Ethnicity- Water Tribe
Age- 17 in Book One: Air, 18 in Books Two and Three, 21 in Book Four: Balance
Born- 153 AG
Predecessor- Aang (as the Avatar), Hasook (as the waterbending member of the Fire Ferrets)

__Physical description__

Gender - Female
Height- 5'7" or 1.70m
Eye color-Cyan (හරියට දුබුරු පාට වගේ)
Hair color- Dark brown
Skin color-Deep tan

__Personal information__

Love interest(s)- Asami Sato (girlfriend), Mako (boyfriend; formerly)
Allies- Southern Water Tribe, Order of the White Lotus, past Avatars, Tonraq, Senna, Naga, Asami Sato, Mako, Bolin, Pabu, Tenzin, Bumi, Pema, Katara, Zuko, Lin Beifong, Jinora, Ikki, Meelo, Rohan, Kya, General Iroh, Tarrlok, Unalaq (formerly), Desna and Eska, Bhanti Tribe, Iroh, Raava, Suyin Beifong, Opal, Toph Beifong, Baatar, ...
Enemies- Amon, Equalists, Tarrlok (formerly), Hiroshi Sato (formerly), Triple Threat Triad, dark spirits, Unalaq, Desna and Eska (formerly), Southern Water Tribe rebels (formerly), Vaatu, Hundun, Red Lotus, Aiwei, Hou-Ting, Dai Li, Kuvira, military of the Earth Empire, ...
Weapon of choice- The elements, glider staff
Fighting style(s) - waterbending (Southern, Northern, and Pro-bending style), earthbending, firebending, airbending, metalbending, energybending

__Chronological and political information__

Profession- Avatar, Pro-bender (formerly)
Position- Daughter of the Southern Water Tribe chief, Fire Ferrets' waterbender (formerly), Fully Realized Avatar, Member of Tarrlok's task force (formerly)
Affiliation- Fire Ferrets (formerly), Southern Water Tribe, Tarrlok's task force (formerly), Team Avatar
………………………………………………………………………………………………………………………………………………………………….
#Guy_Buddhima


Comic Script ලිපිය

Monday, June 8, 2015

BatGirl - Stephanie Brown

Stephanie Brown


ටීම්,කැස් දෙන්නට පස්සේඅද විස්තර ගේන්නේ බැට්ෆැමිලි එකේ ඉන්න තවත් අමුතුම චරිතයක් ගැන විස්තර ගේන්නේ.. කලින් දාපු ලිපි දෙකෙන් අපිට හිතුනා ඒ චරිත ගැන වැඩිය අදහසක් අපේ යාලුවන්ගේ නෑ වගේ තමයි අපිට තේරුම් ගියේ.. අද විස්තර ගෙන මේ චරිතයත් කොමික් වලින් එළියේදී අපේ යාලුවන්ට වැඩිය දකින්න ලැබෙන චරිතයක් නෙමෙයි..
                         

 ස්ටෙෆනි බ්‍රවුන් එහෙමත් නැත්තම් ස්ටෙෆ් කියන්නේ බැට්ෆැමිලි එකට බලෙන්ම වගේ ඇතුළු උන චරිතයක් කියල කිව්වොත් මම හිතන්නේ මම හරි.. හැබැයි අනිත් batgirl ලට වඩා ලොකු ආකර්ශනීය බවක්,අහිංසක බවක් වගේම තවත් වෙලාවක තරමක් දුරට අසාර්ථක චරිතයක් විදිහටත් හඳුන්න්වන්න වෙනවා.. ගොඩක් අය ස්ටෙෆ් ව හඳුන්වන්නේ batgirl ලගේ ජේසන් විදිහට..

ස්ටෙෆ් කියන්නේ රිඩ්ලර් ගේ යාලුවෙක්/අනුගාමිකයෙක් වෙච්ච Arthur Brown ගේ දුව.. Arthur Brown කියන කෙනාව නම් අපේ යාලුවන්ට වැඩිය මතක නැතිව ඇති.. ක්ලු මාස්ටර් (Cluemaster) කියන කෙනාගේ දුව තමයි ස්ටෙෆ්. Cluemaster කියන්නේ හරියට නිකන් රිඩ්ලර් වගේම තමයි.. රිඩ්ලර් ප්‍රහේලිකා තියල යනවා වගේ Cluemaster තමන්ගේ සැලසුමට අදාළ දේවල් ගැන හෝඩුවාවන් ඉතිරි කරලා යනවා.. ඉතින් ලෝකේ හොඳම රහස් පරික්ෂකයට හැමදාම අහු වෙනවා.. එක නිසා මෙයා තීරණය කරනවා හෝඩුවාවන් ඉතිරි නොකර මෙයාගේ අපරාධ කරන්න.. අන්න ඒක නවත්තන්න තමයි ස්ටෙෆ් මුලින්ම කරලියට එන්නේ.. තමන්ගේ තාත්තාගේ නරක වැඩ බැට්මෑන් ට අහුකරලා දෙන්න එයා Spoiler කියන විජිලන්ට් වෙනවා.. (මැද තියෙන රූප පෙළ බලන්න) මේ වැඩේදී තමයි මෙයාට ටිම් එක්ක වැඩ කරන්න ලැබෙන්නේ.. ඒ ගමන මෙයාව බැටා ගේ හතරවෙනි රොබින්,තුන්වෙනි බැට්ගර්ල් විතරක් නෙමෙයි ටිම් ගේ පෙම්වතිය බවට පත් කරන්නේ..

කට්ටියම බලනවා ඇති ස්ටෙෆ්-ටිම් සම්බන්ධය ගැන මම ටිම් ගැන කතාකරනකොට කිව්වේ නෑ නේද කියල.. ඇත්තටම එකට හේතුව බැටා වගේම තමයි බැට්ෆැමිලි එකේ පිරිමි පාර්ශවයට කෙල්ලොන්ගෙන් නම් අඩුවක් නෑ.. ඉතින් ඒ සේරම එකකම කතා කරනවා වෙනුවට එයාලත් එක්ක සම්බන්ධ වෙන අනිත් අය ගැන කතාකරන තැන්වලදී කියන එක හොඳයි කියල හිතුනා..

ස්පොයිලර් ට කිහිප වතාවක්ම බැටා ඇවිත් මේ ගමනේ භයානක බව පැහැදිලි කරන්න උත්සාහ කලත් වැඩේ නවත්තන්නේ නැති නිසා පස්සේ කාලෙක ටිම් පුහුණුවට යවපු වෙලාවක ස්ටෙෆ් ගාවට ඇවිත් එයාව පුහුණු කරවනවා.. ඒ විතරක් නෙමෙයි බර්ඩ්ස් ඔෆ් ප්‍රේ වලටත් එකතු කරවනවා.එතැනදී තමයි මෙයාට කැස් ව හම්බවෙන්නේ. කැස් ගේ කියවීම,ලිවිම වැඩිදියුණු කරන්න ස්ටෙෆ් ඉදිරිපත් වෙනවා වගේම කැස් මෙයාට සටන් ක්‍රම උගන්වන්න කැමති වෙනවා..අන්න එහෙම තමයි මෙයාලගේ යාළුකම පටන් ගන්නේ..

ස්ටෙෆ් මේ වගේ වැඩ වලට ගැලපෙන්නේ නෑ කියල කිහිප වරක්ම බැටා කිව්වා කියල මම සඳහන් කළානේ.ඉතින් එක නිසාම ටික කාලෙකින් ස්ටෙෆ් ට දෙන මේ පුහුණුව නතර කරලා එයා ට මේ වැඩවලින් අයින් වෙන්න කියල අවවාද කරනවා..එත් ස්ටෙෆනි දිගටම මේ ගමන යනවා..

ටිම් රොබින් ප්‍රසොනා එක තහරපු දවස් වල ස්ටෙෆ් ටිම් ව බලන්න ආපු වෙලාවක ටිම් ව දැලේ දාගන්න කෙල්ලෙක් උත්සාහ කරන එක ටිම් තමන්ට හොරෙන් වෙනත් සම්බන්ධයක් පවත්වාගෙන යනවා කියලා වැරදියට තේරුම් අරන් අලුතෙන් රොබින් ඇඳුමක් හදාගෙන බැට්කේව් එකට කඩා පැනලා බැට්මෑන් ට බල කරනවා තමන්ව රොබින් කරගන්න කියල.. මුලින්ම අකමැති උනත් පස්සේ බැටා මේකට කැමති වෙනවා.. ඔය හේතුව නිසා තමයි මම කිව්වේ මෙයා බැට්ෆැමිලි එකට බලෙන් එකතු වෙන සාමාජිකාවක් කියල..

Detective Comics 809 War Crimes වලදී බැටා ගේ සැලසුම් විනාශ කරන නිසා මෙයාව රොබින් තනතුරෙන් අයින් කරනවා.. එකෙන් ගෝතම නගරය පුරාම විවධ කල්ලි අතර සටන් ඇති වෙලා අවුල්ජාලය වෙනවා..අන්න එතැනදී තමයි බ්ලැක් මාස්ක් ට අහුවෙන ස්ටෙෆනි එතැනදී කරන වදහිංසා වලදී සෑහෙන්න තුවාල වෙන්නේ.. බැටා ඇවිත් මෙයාව බේරාගෙන ඩොක්ටර් ලෙස්ලි තොම්ප්කින්ස් (ඔව් ඔව් ගෝතම වල ඉන්න කෙනා තමයි) ගාවට ගෙනාවත් මෙයා මැරෙනවා.. හෝව් හෝව්.. බය වෙන්න එපා,කොමික් වල තියෙන අමරණිය නිතිය මෙයාටත් ක්‍රියාත්මක වෙනවා.. තමන්ගෙන් වෙච්ච වැරදි වලින් ගැලවෙන්න (මොකද බ්ලැක් මාස්ක් මෙයාගේ රහසිගත අනන්‍යතාවය දැනගන්නවනේ) සහ batman ට පාඩමක් උගන්නන්න මෙයා ඩොක්ටර් ලී එක්ක එකතුවෙලා බොරුවට මැරෙනවා.. පස්සේ කාලෙක මේක බැටා දැනගන්නවා සහ ස්ටෙෆ් ආපහු ස්පොයිලර් විදිහට එනවා.. හැබැයි ස්ටෙෆනි බ්‍රවුන් විදිහට එලියට එන්නේ නෑ.. මේ දේ නිසා තමයි මම කලින් කිව්වේ සමහරු ස්ටෙෆනි ව batgirl ලගේ ජේසන් ටෝඩ් විදිහට හඳුන්වනවා කියල..

R.i.p Batman වලදී බැටා මැරෙන නිසා තමන්ගේ බැට්ගර්ල් ප්‍රසොනා එක අතහරින කැස් තමන්ගේ කොස්ටියුම් එක ස්ටෙෆ් ට දීලා කියනවා ඊළඟ බැට්ගර්ල් වෙන්න කියල.. එහෙම තමයි ස්ටෙෆනි බැට් ගර්ල් වෙන්නේ.. මේකට ඒ වෙද්දී batman වෙලා ඉන්න ඩික් කැමති වෙන්නේ නෑ.. එකට හේතුව තමයි මම අර කලින් කියපු war game සිද්දිය..අනික මෙයත් විශ්වාස කරන්නේ සටෙෆ් කියන්නේ වීරයෙක් ගේ ලක්ෂණ නැති කෙනෙක් කියල..නමුත් බෑබ් මෙයත් එක්ක වැඩකරලා මෙයාගේ දක්ෂතා වැටහ ගත්තට පස්සේ මෙයාටම කියල අලුතෙන් ඇඳුමක් හදලා දෙනවා (අවසාන පින්තූර පේලිය) බැට් ගර්ල් කොස්ටියුම් වලින් මම කැමතිම එක තමයි ස්ටෙෆ් ගේ ඔය දම් සහ කළු මිශ්‍ර ඇඳුම..
ටික කාලයක් වැඩ කරනකොට මෙයා ගැලපෙනවා කියල ඩික් ට තේරුම් යනවා සහ ස්ටෙෆ් ව දකිනකොට එයාට බැබ් ගේ බැට් ගර්ල් කාලේ මතක්වෙනවා කියල කියනවා..

මැරිලා කියල හිතන් ඉන්න බ්රුස් වේන් / batman ඔන්න ඔය කාලේදී තමයි ආපහු එන්නේ.. ඒ කාලය තුල බැටා (බ්රුස්) මෙයා ගැන (වගේම අනිත් අය ගැනත්) ඇහැ ගහගෙන ඉන්නේ.. ඉතින් ආපහු ආපු ගමන් නිත්‍ය වශයෙන් බැට්ගර්ල් වෙන්න සුදුසු බව කියනවා..

අද අන්තිමට කතාකරන්නේ මෙයාගේ හැකියාවන් සහ නිර්මාණකරුවන් ගැන..

මෙයා මුලින්ම කොමික් එකකදී පෙනී ඉන්නේ 1992 වසරේදී ආපු Detective Comics #647 කලාපෙදී.. ඒ ස්ටෙෆනි බ්‍රවුන් විදිහට.. මෙයාව නිර්මාණය කරන්නේ Chuck Dixon සහ Tom Lyle කියන දෙන්නා.. ස්පොයිලර් විදිහට මුලින්ම එන්නේ ඊළඟ කලාපෙදී,එහෙම නැත්තම් #648 දී..

2004 ජුලි මාසෙදි ආපු Robin #126 කතාවෙන් තමයි මුලින්ම රොබින් කෙනෙක් විදිහට එන්නේ..

2009 ඉදන් පටන් ගත්ත බැට් ගර්ල් ඔන්ගොයින් සීරිස් එකේදී තමයි මෙයා මුලින්ම බැට් ගර්ල් වෙන්නේ.. වෙනත් විදිහකට කියනවා නම් ස්ටෙෆ් ගෙන් තමයි batgirl සිරිස් එක පටන් ගන්නේ..

සුදුසුකම් ගැන කියනවා නම් ඉතින් අනිත් ය වගේම තමයි..
~ Exceptional athlete
~ Expert tracker
~ acrobat
~ martial artist වගේ දේවල් තියෙනවා..

තව වැදගත් දේවල් තමයි මෙයාට ගෝතම වල කානු පද්ධතිය ගැන තියෙන දැනුම.. ස්පොයිලර් වෙලා හිටපු කාලේදී තමයි මේ ගැන මෙයා මෙතරම් හොඳට දැනගන්නේ..

ඊට අමතරව බැටා ගෙන් ගෙන ගන්න උපක්‍රමික පසුබැසීම් ගැන දැනුම.. මේ දේ උගන්නන්නේත් ස්පොයිලර් වෙලා ඉන්න කාලේදී ආරක්ශාවෙන්න..

#ClownPrinceOfCrime

 Comic Script ලිපිය

Sunday, June 7, 2015

Gaming : Marvel Contest of Champions

Gaming



Marvel contest of champions - 3* Punisher review.
At rank 2 level 17 ( 652 )
health - 3041
Damage - 216
Signature ability - Defy pain ( at level 8 )
When attacked
• Marine corps. The vietnam war. The italian mafia. Frank castle has conditioned himself for high pain tolerance, granting him a 45% chance to endure a lethal blow.

Abilities
-------------
All attacks
• 10% chance for fury, increasing your attack by 39% for 4.75 seconds.

Special attack 1
• 34% chance to inflict bleed, dealing 32% of your attack as direct damage over 8.5 seconds.

Special attack 3
• 100% chance to inflict bleed, dealing 90% of your attack as direct damage over 5 seconds.
• Damage increases by up to 120% based on your lost health.

signature bonuses
Rhino - +4% perfect block chance
Spiderman - +20% crit damage

#Shazam

Comic Script ලිපිය

Saturday, June 6, 2015

Avatar Articles No:14

Avatar Articles No:14


Avatar Aang- ඇවටර් ඈන්ග්

ඇවටර් ඈන්ග් අග්නි ජාතික ඇවටර් වරයෙකු වූ ඇවටර් රෝකු ට පසුව හා ජල ගෝත්‍රික ඇවටර් වරියක් වූ ඇවටර් කෝරා ට පෙර දක්ෂිණ වායු දේවස්ථානයේ උපත ලැබූ වායු වාර්ගික ඇවටර් වරයෙකු වේ.මොහු උපත ලැබුවේ ‘සියක් අවුරුදු යුද්ධය’ නම් යුධ සමය ඇරබීමට පෙරයි.
                                                   

ඇවටර් ඈන්ග් 12 BG හිදී (නම සදහන් නොවන) වායු වාර්ගික දෙපලකට දාව ඉපදී ඇත.ඔහුගේ දෙමාපියන් ඔහුව අනාගතයේදී වායු පූජකවරයෙකු කරවීමේ අපේක්ෂාවෙන් ඔහුව කුඩා කල දීම වායු පූජකවරු වෙත භාර දී ඇත.එවිට ඔහුගේ ගුරුවරයා මෙන්ම මාර්ගෝපදේශකයා ද වූයේ Council of Elders(1 රූපය) හි සාමාජිකයෙක් වූ ජියට්සෝ පූජක තුමායි.ඔහු ජියට්සෝ පූජකතුමා සමග ලොව වටා සංචාර වල යෙදී ඇත.ඔහු කුඩාකල පටන් ඉතා දක්ෂ වායු බන්ධකයෙකු විය.වයස 6 දී ඔහු,ඔහුගේ වයස මෙන් දෙගුණයක් වැඩිමහල් දරුවන්ට වඩා හොදින් වායු බන්ධක කලාව ප්‍රගුණ කර තිබුණි.තවද වයස 6ද් දී ඔහු ඇතුළු අනෙක් වායු වාර්ගික දරුවන් ඔවුන්ගේ සත්ව මිතුරන් වන වායු බයිසනයන් සොයා ගැනීමට නැගෙනහිර වායු දේවස්ථානයට ගිය ගමනේදී ඔහුට ‘ආපා’ නම් ඔහුගේ වායු බයිසනයා හමු විය. (2 රූපය) වයස 10 දී ඔහු ඔහුගේ සමහරක් ගුරුවරුන්ටත් වඩා හොදින් වායුබන්ධක කලාව ප්‍රගුණ කර තිබුණි.තවද ඔහු වයස 12 දී ‘Air Scooter’(3 රූපය)නමින් හදුන්වන නව වායු බන්ධන ශිල්ප ක්‍රමයක් නිර්මාණය කර නිපුන වායු බන්ධකයන්ට ලැබෙන පච්ච (Airbender Master Tattoos) හිමි කරගෙන ඇත.(නව ශිල්පක්රමයක් නිර්මාණය නොකර වායු බන්ධක පච්ච ලබා ගැනීමටනම් වායු බන්ධනයේ ප්‍රබේධ 36 ම ප්‍රගුණ කල යුතුය. ඈන්ග් ඉන් 35 ක් ප්‍රගුණ කර සිටියේය) ඒ එදා මෙදා තුර සිටි ලාබාලම වායු බන්ධක නිපුණයා බවට පත් වෙමිනි.(පසුව වයස 11 දී Airbender Master Tattoos ලැබූ ඈන්ග්ගේ මිනිපිරිය වූ ජිනොරා එදා මෙදා තුර සිටි ලාබාලම වායු බන්ධක නිපුණයා බවට පත්විය)

ඔහු කුඩා කලදී සෙල්ලම් බඩු දහස් ගණනක් අතරින් ඉපැරණි ඇවටර් වරුන්ට අයත්ව තිබූ දෑ පමණක් තෝරා ගැනීම හේතුවෙන්(4 රූපය) ඔහු ඇවටර් බව දක්ෂිණ වායු දේවස්ථානයේ පාලක මඩුල්ලේ සිටි වැඩිහිටි පූජක වරුන්ට (Council of Elders) තේරුම් ගියේය.සාමාන්‍යයෙන් වායු වාර්ගික ඇවටර් වරුන්ට ඔවුන්ගේ අනන්‍යතාව වයස 16 දී හෙළි කිරීම සිදු කරයි.නමුත් ආධ්යාත්මයෙන් උසස් වායු පූජකයන්ට නුදුරේම මහා විපතක් පැමිණෙන බව දැනෙන්නට විය.එමනිසා ඔවුන් එවකට වයස අවුරුදු 12 සිටි ඈන්ග් ට ඔහුගේ අනන්‍යතාව හෙළි කිරීමට තීරණය කලෝය.ඒ සමගම ඔවුන් ඇවටර් ඈන්ග්ව වැඩි දුර පුහුණුවට නැගෙනහිර වායු දේවස්ථානය ට යැවීමට තීරණය කලේ ජියට්සෝ පූජකවරයා ඈන්ග්ට පමණට වඩා මෘදු ලෙස සලකයි යැයි සිතූ බැවිනි.

තමන් ජියට්සෝ පූජකවරයාගෙන් වෙන්වන බව දැනගත් විට ඈන්ග්,කිසිවෙකුට නොදන්වා තම මිතුරා වූ ආපා සමග එදා රාත්‍රියේ පලා ගියේය.අතර මගදී කුනාටුවකට හසුව මුහුදට කඩා වැටුණු ඈන්ග් හා ආපා ගිලී යාමට පටන් ගනිද්දීම ඈන්ග් ගේ ඇවටර් සමාධිය (ඈන්ග් තුල සිටින රාවා ආත්මය) ක්‍රියාත්මක වී ඔහු හා ආපා අවට අයිස් ගෝලයක් තනවා ඔහු ගිලී මිය යාමෙන් ආරක්ෂා කළේය.(5 රූපය) අයිස් ගෝලය තුල ශිශිරතරණයට ලක්වන ඔවුන්ගේ සිරුරු ජීවත්ව පැවතියත් ඔවුන් තුල කිසිදු ජීව ක්‍රියාවක් සිදු නොවීම නිසා ඔවුන් වයසට ගියේ නැත.ඔවුන් මෙම අයිස් ගෝලය තුල අවුරුදු 100ක් සිරවී සිටි අතර ඒ කාලය තුල ලොව පුරා සියක් අවුරුදු යුද්ධය ඇවිලී යාමට පටන් ගෙන තිබුණි.වායු වාර්ගිකයන් අතර උපන් ඊලග ඇවටර් වරයා මරා දැමීම සදහා ‘සොසින් ගේ ධූමකේතුව’භාවිත කොට සියලුම වායු වාර්ගිකයන්ව සමූල ඝාතනය කිරීමට 0 AG හිදී අග්නි අධිපති සොසින් සමත් වී තිබුණු නිසා 0 AG න් පසු ලොව ඉතිරි වූ අවසාන වායු බන්ධකයා වූයේ මෙම අයිස් ගෝලයේ සිරවී සිටි ඇවටර් ඈන්ග් පමණය.

වසර 100 කට පසු දක්ෂිණ ධ්‍රැවයේදී සොකා හා කටාරා නම් සහෝදරයන් 2 දෙනෙකු විසින් ඇවටර් ඈන්ග් හා ආපා එම අයිස් කුට්ටියෙන් බේරා ගන්නා ලදී. ඈන්ග් පසුගිය අවුරුදු 100 තුල සිදු වූ දෑ නොදැන සිටියද ඔවුන් දෙදෙනාගෙන් ඔහුට එම තොරතුරු දැනගැනීමට හැකි විය.සූර්ය නිවෘත්තියෙදී (winter solstice) ඇවටර් රෝකු හමු වූ විට ඔහු පැවසුවේ ඊලග වර්ෂයේ නැවතත් සොසින් ගේ ධූම කේතුව පායන බවත් ඊට පෙර ඔහු අග්නි අධිපතිව පරාජය කල යුතු බවත්ය.ඒ සඳහා වර්ෂයක් වැනි කෙටි කාලයක් තුල ඈන්ග් අනෙක් මූල ධාතු 3ද ප්‍රගුණ කල යුතු විය.කෙසේ හෝ අවසානයේ ඇවටර් කණ්ඩායමේ උදව්වෙන් (Team Avatar)(6 රූපය) ඇවටර් ඈන්ග් හට අග්නි අධිපති ඕසායී පරාජය කර සියක් අවුරුදු යුද්ධය නිමා කිරීමට හැකි විය.

*** ඇවටර් කණ්ඩායම (Team Avatar)***

1. Avatar Aang (12)

2.Sokka(15) and Katara(14) [දක්ෂිණ ජලගොත්‍රයේ පාලක හකෝඩා(Hakoda) හා කායා(Kya) ගේ දරුවන්.සොකා (දක්ෂිණ ජලගොත්‍රයේ) නිබන්ධක රණශූරයෙක් වන අතර කටාරා දක්ෂිණ ජලගොත්‍රයේ අවසාන ජලබන්ධකයායි.කටාරා ඈන්ග්ගේ ජලබන්ධක ගුරුවරයා වුනා]

3.Toph Beifong(12) [ධනවත් ව්‍යාපාරික ලාඕ බේෆොන්ග්(Lao Beifong) හා පොපී බේෆොන්ග්(Poppy Beifong) ගේ එකම දියණිය.මැය අන්ධ වුවත් ලොව දක්ෂතම භූමි බන්ධකයෙක්.ටොෆ් ඈන්ග්ගේ භූමි බන්ධක ගුරුවරයා වුනා]

4.Zuko(16) [අග්නි අධිපති ඕසායී(Fire Lord Ozai) හා අර්සා(Ursa) ගේ වැඩිමහල් දරුවා.අග්නිබන්ධකයෙක් හා අග්නි දේශයේ ඔටුන්න හිමි කුමරු.සූකෝ ඈන්ග්ගේ අග්නිබන්ධක ගුරුවරයා වුනා]

5.Appa [ඈන්ග් ගේ සත්ව හිතවතා.වායු බයිසනයෙක්(Sky Bison)]

6.Momo [ඈන්ග් ගේ දෙවන සත්ව හිතවතා.පියාබන ලීමරයෙක්(Winged Lemur)

# Suki(15) [කියෝෂි රණශූරියක්(Kyoshi Worrior).නිබන්ධකයෙක්.කණඩායමේ හැම විටම නැහැ.නමුත් අවසන් සටනේදී හිටියා]

***පසු ජීවිතය***

ඇවටර් ඈන්ග් ට වයස 35ක් වීමට පෙර ඔහුගේ හා කටාරාගේ පවුල දරුවන් 3 දෙනෙකු සහිතව වර්ධනය වී තිබුනා.ඒ බූමි,කායා හා ටෙන්සින්.(7 රූපය)
ඇවටර් ඈන්ග් අග්නි අධිපති සූකෝ සමග එක්ව, පැරණි අග්නි දේශයේ, භූමි රාජධානියේ පැවතී යටත් විජිත එක්සත් කොට සියලුම ජාතීන්ට එක්ව විසිය හැකි නව දේශයක් බිහිකොට තිබුනේය. ඇවටර් ඈන්ග් එහි අගනුවර වන Republic City හි දූපතක නවතම වායු දේවස්ථානයක් ඇති කළේය.එය ලොවේ 5 වන වායු දෙවස්තානයයි.එය වායු බන්ධක සංස්කෘතියට, පියාබන ලීමරයන්ට, වායු බයිසනයන්ට පමණක් නොව ඈන්ග්ගේ පවුලටද නිවහන විය.

ඈන්ග් ට හා කටාරාට දරුවන් 3 දෙනෙක් සිටියහ.බූමි(Bumi) නම් නිබන්ධක දරුවෙක්, කායා(Kya) නම් ජලබන්ධක දැරියක් හා ටෙන්සින්(Tenzin) නම් වායු බන්ධක දරුවෙක් වශයෙනුයි ඒ. ඈන්ග් ඇවටර් වරයෙකු ලෙස ලොවේ සාමය ඇති කලත් ඔහුගේ පවුලේ තත්වය එපමණ සුභදායක වූයේ නැත. ඈන්ග් ට භාර වී තිබු දෙවෙනි කර්තව්‍ය වූයේ වායු වාර්ගික සංස්කෘතිය අනාගතය සදහා ආරක්ෂා කිරීමයි.ඒ සදහා ඈන්ග් ටෙන්සින් ව පුහුණු කරමින් ඔහු සමග වැඩි කාලයක් ගතකළත් අනෙක් දරුවන් දෙදෙනා සමග වැඩි කාලයක් ගත කලේ නැත.එමනිසා වැඩිමහල් දරුවන් දෙදෙනා හා ඈන්ග් අතර පැවතූයේ දුරස් සම්බන්ධතාවයකි.

***පෞරුෂත්වය***

ඈන්ග් ස්වභාවයෙන්ම හාස්‍ය රසයෙන් පිරුණු චරිතයක් විය.ඔහු ප්‍රචණ්ඩත්වය තරයේම පරතික්ෂේප කල අතර නිර්මාන්ශී පුද්ගලයෙකු විය.ඔහු සැමවිටම උත්සහ කලේ තමන් ඇවටර් බව අමතක කොට අන්‍යන් සේ සාමාන්‍ය ජීවිතයක් ගෙවීමටයි.සටනකදී වුවද ඔහු උත්සහ කලේ සතුරාගේ පහර වලකා ඔහුව යටත් කර ගැනීමට පමණයි.ඔහු ආපසු පහර දුන්නේද නැතිවම බැරි අවස්තාවකය.

***හැකියාවන්***

ඈන්ග් ඔහුගේ යුගයේදී ලොව දක්ෂතම බන්ධකයා විය.රෝකු, සියලු මූලධාතු ප්‍රගුණ කිරීමට අවුරුදු ගණනාවක් ගතවන බව පැවසුවත් ඈන්ග් ඒවා සියල්ල තනි අවුරුද්දක් තුල නිම කළේය.අග්නිබන්ධනය හා භූමිබන්ධනය එතරම් නැතත් ඈන්ග් ජලබන්ධනය මනාව ප්‍රගුණ කළේය.සියලු ඇවටර් වරු පරිපූර්ණ ඇවටර් වරු බවට පත් වූයේ වයස 16 න් පසුව වුවත් මොහු වයස 12 දී පරිපූර්ණ ඇවටර් වරයෙකු (Fully Realized Avatar) බවට පත් විය. ඈන්ග් වායුබන්ධනයේ කෙල පැමිණියෙකු වූ අතර ජල බන්ධනයද මනාව ප්‍රගුණ කොට තිබුණි. අග්නිබන්ධනය හා භූමිබන්ධනය එතරම් නැතත් යම්තාක් දුරට ප්‍රගුණ කිරීමට ඈන්ග් සමත් වූයේ ඒවායේ ඇති සමහරක් උප බන්ධන හැකියාද ලබා ගැනීමටද සමත් වෙමිනි.
ඈන්ග් සතුව අග්නියේ උප බන්ධන හැකියාවක් වන අකුණු හැරවීමේ හැකියාව( lightning redirection) හා භූමියේ උප බන්ධන හැකියාව වන කම්පන අවශෝෂණ හැකියාව(seismic sense) තිබුණි.
ශක්ති බන්ධනය ලොව සියලු බන්ධක කළා අතරින් බලවත්ම බන්ධක කලාවයි.ලොව ජීවත් වන එකම ශක්ති බන්ධකයන් වන සිංහ ඉදිබුවන් අතරින් එක් සිංහ ඉබ්බෙකු ඈන්ග් හට ශක්තිබන්ධනයේ(energybending) දැනුම ලබා දුන්නේය.එමගින් වෙනත් පුද්ගලයෙකු ස්පර්ශ කොට ඔහුගේ සිරුර තුල පවතින ශක්තිය බන්ධනය කල හැක. ඈන්ග් මෙම බලය ලද හා ශක්තිබන්ධනය භාවිත කරන ලද පළමු මනුෂ්‍යයා විය.ඔහු මෙය උපකාරයෙන් අග්නි අධිපති ඕසායී ගේ හා පාතාල නායක යකොන් ගේ බන්ධක හැකියාව නැතිකර දමන ලදී.

ඇවටර් ඈන්ග් විසින් ලෝකයට සිදු කරන ලද සේවයට උපහාරයක් ලෙස අග්නි දේශය විසින් ජනරජ නගරයේ යුඑ බොක්කේ (Yue Bay) තරුණ ඇවටර් ඈන්ග් ගේ විශාල ප්‍රතිමාවක් ඉදිකරන ලදී.
-----------------------------------------------------------------------------------

***Avatar Aang***

__Biographical information__

Alternative name(s)- Kuzon (while at the Fire Nation school),Twinkle Toes (by Toph),Sweetie (by Katara)

Nationality- Southern Air Temple

Ethnicity- Air Nomad

Age- 112 (biologically 12) in Avatar: The Last Airbender,113-114 (biologically 13-14) in The Promise trilogy,114-115 (biologically 14-15) in The Search and The Rift trilogies,166 at death (biologically 66)

Born- 12 BG

Died- 153 AG

Predecessor- Roku (as the Avatar)

Successor- Korra (as the Avatar)

__Physical description__

Gender - Male
Eye color- Gray
Hair color- Dark brown (typically shaved)

__Personal information__

Love interest(s) - Katara (wife)
Allies- Appa, Katara, Momo, Sokka, Tenzin, Toph, Zuko, King Bumi, Bumi, Gyatso, Hakoda, Iroh, Kya, Suki, Kuzon, lion turtle, all Avatars ...

Enemies- Azula, Ozai, Zuko (formerly), Combustion Man, Long Feng, Sozin, Yakone, Zhao, Joo Dee, the Dai Li, ...

Weapon of choice- The elements, glider staff

Fighting style(s) - airbending, waterbending (Northern and Southern style), earthbending (Chu Gar Praying Mantis Kung Fu), firebending, energybending

__Chronological and political information__

Profession- Air Nomad culture teacher,Airbending instructor,Avatar,Monk

Position- Co-founder of the United Republic of Nations,Fully Realized Avatar
Affiliation- Air Acolytes,Air Nomads,Air Scouts (formerly),Team Avatar
…………………………………………………………………………………………………………………………………………………………
<Guy Buddhima>

Comic Script ලිපිය

Wednesday, June 3, 2015

BatGirl - Cassandra Cain

Cassandra Cain


අපේ යාළුවො ගොඩක් දෙනා කරන ඉල්ලීම් සලකන්නේ නෑ කියල චෝදනාවක් වැටෙයිද මන්දා,මොකද මේ දවස් ටිකේ අපි එහෙම ඉල්ලීම් වලට තැන දුන්නේ නැති නිසා.. එකට හේතුව තමයි අපේ පරණ ලිපි පෙළවල් සම්පුර්ණ කරලා ඉන්න අපි ගත්ත තීරණය.. ඉතින් ඒ දේවල් සම්පුර්ණ කරපු ගමන් ආපහු ඔයාලගේ කැමැත්තට ද දෙන්න සුදානම්.. අන්න ඒ නිසා අදත් මම Batman Family එක යටතේ ඊළඟට හමුවෙන batgirl ගැනයි විස්තර ගේන්නේ.. බෑබ් ට පස්සේ මම කැමතිම Batgirl තමයි කැස්..
                 
Cassandra Cain එහෙම නැත්තම් ආදරේට කැසී/කැස් කියන්නේ බැටා ගේ පවුලේ අයගෙන් දරදඬුම චරිතය කිව්වොත් මම හිතන්නේ හරි.කොටින්ම කියනවා නම් ඩේමියන් ටත් වඩා දරදඬු චරිතයක්.

Cassandra Cain කියන්නේ දෙවැනි batgirl,මුලින්ම cassendra ව අපිට කොමික් එකකින් දැකගන්න ලැබෙන්නේ 1999 ජුලි මාසයේදී ආපු Batman #567 දී (එකට සමගාමිව අගෝස්තු මාසයේදී ආපු Legends of the Dark Knight #120 කලාපයේ තමයි වැඩි හඳුන්වා දීමක් කලේ) Kelley Puckett සහ Damion Scott කියන දෙන්න තමයි මෙයාව නිර්මාණය කලේ,එත් මෙයාගේ ඇඳුම හදල තියෙන්නේ නම් Alex Maleev

cassandra කියන්නේ david cain සහ Sandra Wu-San එහෙමත් නැත්තම් Lady Shiva ගේ දුව. රේෂ් ට ගැලපෙන ආරක්ෂකයෙක් සොයාගෙන යන ගමනේදී ඩේවිඩ් ලේඩි ශීවා (පසුකාලීනව) ගේ සටන් විලාශය දැකල එයාව වෙනත් කෙනෙක්ගේ මරණයකට හසු කරවන්න හදලා එකෙන් ගැලවෙන්න ඕනේ නම් රේෂ් සහ ලිග් ඔෆ් ඇසසින් ලට සේවය කරන්න තමන්ට දරුවෙක් ලබාදෙන්න කියල කරන ඉල්ලීමේ ප්‍රතිඵලයක් විදිහට තමයි කැසෙන්ඩ්රා ව කොමික් වලට එන්නේ. අම්මයි තාත්තයි ගැන අමුතුවෙන් කියන්න ඕනේ නෑනේ,හොඳ සටන්ශිලිපියෝ දෙන්නෙක්.ඉතින් මේ දෙන්නගෙන් ලැබෙන දරුවා ලීග් එකේ පුහුණුවෙන් පස්සේ (කොමික්) ලෝකේ ඉන්න හොඳම සටන්කරුවන් ගෙන් ඉස්සරහින්ම ඉන්න එක අහන්නත් දෙයක්ද?
ඉපදුනාට පස්සේ සම්පුර්ණයෙන්ම cassandra ගේ භාරකාරත්වය භාර ගන්න ඩේවිඩ් පොඩි කාලේ ඉඳන්ම සටන් ක්‍රම පුහුණු කරවනවා.එත් ලියන්න කියවන්න වගේ දේවල් පුරුදු කරවන්නේ නෑ. ඒක නිසා ගොඩ කාලයක් යනකම් cassandra අදහස් හුවමාරු කරගන්නේ විවිධ සංකේත හෝ චිත්‍ර තුලින්.
ලියන්න කියවන්න බැරි උනාට කැසී ගේ body language කියවීමේ හැකියාව නම් ඉතාම ඉහලයි..මොකද කතාකරන්න බැරි නිසා එයා දිගින් දිගටම body language කියවීම ගැන උනන්දු වෙනවා..එක නිසාම තමන්ගේ ප්‍රතිවාදියාව හඳුනා ගැනීමේ හැකියාව,වේගය වැඩි නිසා තමයි මෙයත් එක්ක ගහගන්න එක ගොඩක් අමාරු වෙන්නේ.. මෙයා තමන්ගේ තාත්තාගෙන් අයින් වෙලා බැටා ට එකතු වෙන්නෙත් ඒ හැකියාව නිසා. මොකද මෙයාගේ තාත්තා මෙයාට මරන්න නියම කරන කෙනෙක්ගේ අවසාන මොහොතේ හැඟීම් ටික දැකල තමයි මෙයාට මෙයාගේ වැඩ ගැන කලකිරෙන්නේ. එක නිසා බැටා ට එකතු වෙලා තමන්ගේ අතීතයේ කරපු වැරදි තවදුරටත් වෙන එක නවත්තන්න උත්සාහ ගන්නවා..

cassandra ගේ හැකියාවන් ගැන කියනවා නම් ප්‍රධාන වශයෙන් තියෙන්නේ එයාගේ මාෂල් ආර්ට්ස් වල හැකියාව මේකට හේතුව මම කලිනුත් සඳහන් කලානේ,එත් ඊට අමතරව මෙයා Bronze Tiger, Merlyn the archer,Batman, Oracle, Black Canary වගේ අයගෙනුත් පුහුණුව ලබලා තියෙනවා.. තව වෙන මොන කතාද නේ?

ඊළඟට තියෙන්නේ කැසී ගේ body language කියවීමේ හැකියාව. මේකෙන් තමයි මෙයා විශේෂ සටන් කරුවෙක් වෙන්නේ.මොකද අනිත් සටන් කරුවන්ට වඩා මෙයාගේ ඒ හැකියාව වැඩි නිසා උපරිම සටනක් හැමවෙලාවෙම දෙනවා.. සටනකදී ප්‍රතිවාදියාගේ ඉරියව්,මාංශ පේශි වල ඇදීම,චලනයන් වලින් විතරක් නෙවෙයි හුස්ම ගැනීමෙන් පවා ප්‍රතිවාදියාගේ ඊළඟ පියවර කල් තියාම දැනගන්න මෙයා දක්ෂයි.. මේ හැකියාව තියෙන අනිත් එකම කෙනා මෙයාගේ අම්ම ලේඩි ශීවා..පස්සේ කාලෙක ටෙලිපැත් කෙනෙක් කැසී ගේ කථන හැකියාවන් ලබාදුන්න වෙලාවක මේ හැකියාව ගොඩක් අඩුවෙලා යනවා.එත් එයාගේ අම්මගේ උදව්වෙන් නැවතත් මේ හැකියාව ලබාගන්නවා..

අනිත් දේ තමයි කැසී ගේ දරාගැනීමේ හැකියාව..කොච්චර පහර කෑවත් ඒ වේදානාවන් දරාගන්න මෙයාට පොඩි කාලේ ඉඳන්ම ලැබුන පුහුණුව නිසා පුළුවන් වෙනවා..

මේ දේවල් නිසාම තමයි බ්රුස්/බැටා කියන්නේ එයාටත් තනියම කැසී එක්ක සටන් කරලා දිනන්න අමාරුයි කියන්නේ..

කැස් ගේ කලින් ජීවිතය නිසා ගොඩක් වෙලාවට නයිට්වින්ග් ඩේමියන් සහ තරමක් දුරට ටීම් ගේ විතරක් නෙමෙයි බැටා ගේ උනත් සමහර වෙලාවට සම්පුර්ණ විශ්වාසය ලැබුනේ නැති අවස්ථාත් තිබුනා.. නමුත් එයාව හඳුන්වාදෙන No Man's Land වලදී තමන් කියන දේට අවනත වෙන නිසා සහ තමන්ගේ තාත්තා ජේම්ස් ගෝර්ඩන් ව බේරගන්න නිසා බෑබ් ගේ පුර්ණ විශ්වාසය දිනාගෙන තිබුනේ.. එත් ඉතින් බැටා එහෙම ආවට ගියාට කාවවත් තමන්ගේ දුවෙක් විදිහට ගන්නේ නැති නිසා සහ පස්සේ කාලෙක ටීම් ඩේමියන් ලගේ කැමත්ත දිනාගන්න කැසී ට නිත්‍ය සාමාජිකත්වයක් ලබාගන්න හැකියාව ලැබෙනවා.. නමුත් කියන්න ඕනේ පසුව ආපු සමහර කතා වලදී පොඩි පොඩි පැටලවිලි ටිකක් නැතුවම නෙමෙයි..ඒත් කැසී ගේ පැත්තෙන් බලනකොට ඒවාට සාධාරණ හේතු තියෙනවා..

කැස් batgirl ප්‍රසොනා එක එයාගේ යාලුවා ස්ටෙපනි ට දීලා ගෝතම් වලින් යනවා.. ටික කාලෙකට පස්සේ ආපහු ආවත් ආපහු තමන්ගේ යාළුවගේ තනතුර ගන්න බැරි නිසාBlack Bat කියන ප්‍රසොනා එක ගන්නවා.ඒ 2011 දී ආපු Batman, Inc. #6 වලදී.Black Bat ව නිර්මාණය කරන්නේ Kelley Puckett සහ Damion Scott දෙන්න..

#ClownPrinceOfCrime

Comic Script ලිපිය

Tuesday, June 2, 2015

Avatar Articles No:13

Avatar Articles No:13


Avatar Roku- ඇවටර් රෝකු

ඇවටර් රොකු භූමි වංශික ඇවටර් වරියක් වූ ඇවටර් කියෝශිට පසුව හා වායු වාර්ගික ඇවටර් වරයෙකු වූ ඇවටර් ඈන්ග් ට පෙර උපත ලද අග්නි ජාතික ඇවටර් වරයෙකු වේ.
                              

රොකු යහපත්, ප්රඥාවන්ත සහ අනුකම්පාසහගත ඇවටර් වරයෙකු විය.නමුත් ඔහු හා අග්නි අධිපති සෝසින් සමග තිබු දිගු කාලීන මිත්රත්වය හේතුවෙන් ඔහු පරාජිත ඇවටර් වරයෙකු (ඇවටර් වරයෙකුගේ කාර්ය වන ලොවේ සාමය ඇති කිරීමට නොහැකිවුණු ඇවටර් වරයෙක්) බවට පත් විය.එයට හේතුව වූයේ ඔහු ලොවේ යහපත උදෙසා තම මිතුරා පරාජය කිරීමට අපොහොසත් වීමයි.ඔහුගේ මෙම මිත්‍රත්වය ඔහුව මරණය කරා ළං කිරීමටද හේතුවක් විය.ඔහු විසින් සිදු කල වරද වසා දමා නැවත වසර 100කට පසු ලොවට සාමය ඇති කිරීමට ඔහුගේ අනුප්‍රාප්තිකයා වූ ඇවටර් ඈන්ග් ට හැකි විය.මේ හේතුවෙන් රොකු ගේ ආත්මීය මතකය(1 රූපය), ඈන්ග් යනු රොකුගේ වැරදි වසා දැමීමට උපන් අයෙකු බව නිරතුරු පවසන ලදී.

කුඩා කල රොකු ගේ හොදම මිතුරා වූයේ අග්නි දේශයේ ඔටුන්න හිමි කුමරා වූ සොසින් (2 රූපය)ය.ඔවුන් දෙදෙනා එකම දිනයක ඉපදී ඇති ඇති අතර ඔවුන් උපන්දිනය සැමරුවේද දෙදෙනාම එකටය.ඔවුන්ගේ 16 වන උපන්දින උත්සවයේදී අග්නි මුනිවරු රෝකුට ඔහුගේ ඇවටර් අනන්‍යතාව හෙළි කරන ලදී.ඔහු අනෙක් මූලධාතු ඉගෙනීමට අග්නිදේශය හැර යාමට මොහොතකට පෙර මිත්‍රත්වයේ තිළිණයක් වශයෙන් සොසින් ඔහුට අග්නි කුමරුවාගේ ඔටුන්න තෑගි කරන ලදී.පසුව මෙය රෝකු මුළු ජීවිත කාලයම පැළද සිටි ආභරණයක් බවට පත් විය.

ඇවටර් චක්‍රයේ ඊලග මූලධාතුව වන වායු ධාතුව සදහා රෝකු තෝරා ගත්තේ දක්ෂිණ වායු දෙවස්තානයයි.මෙහි වායු බන්ධනය පුහුණු වනවිට ඔහුගේ හොදම මිතුරා වූයේ ජියට්සෝ(3 රූපය) නම් කුඩා වායු පූජකවරයෙකුයි. (ජියට්සෝ පසුව ඇවටර් ඈන්ග් ගේ භාරකාරයා මෙන්ම වායු බන්ධක ගුරුවරයා බවටද පත් විය.)වසර කිහිපයක පුහුණුවෙන් පසු රෝකු වායුබන්ධන කලාව ප්‍රගුණ කර ජලබන්ධනය ඉගෙනීමට උත්තර ජල ගොත්‍රයේ ගුරුවරයෙකු සොයා සංචාරය කළේය.ජලබන්ධනය රෝකුට ඉගෙනීමට දුෂ්කර විය.මක්නිසාද යත් ජලය වනාහී අග්නියට සම්පූර්ණයෙන්ම විරුද්ධ මූලධාතුව බැවිනි.කෙසේ වෙතත් රෝකු ජලබන්ධනයද ප්‍රගුණ කිරීමට සමත් විය.ඉන්පසු ඔහු භූමි බන්ධනය ඉගෙනීමට භූමි රාජධානියටද ගොස් භූමි බන්ධනය ප්‍රගුණ කළේය.එයට අමතරව ඔහුට ඔහුගේ භූමි බන්ධක ගුරුවරයා වූ සුඩ් (Sud) (4 රූපය)සමග ඉතා හොද මිත්‍රත්වයක් ඇති කර ගැනීමටද හැකි විය.

55 BG හිදී, භූමිබන්ධනය ප්‍රගුණ කිරීමෙන් පසු රෝකු, අග්නි දේශයේ චන්ද්‍රවංක දූපතේ (Crescent Island) පිහිටි අග්නි දේවස්ථානයේ(5 රූපය), ඇවටර් සමාධිය ප්‍රගුණ කිරීමේ අදහසින් අග්නි පූජක කාජා (Fire Sage Kaja) යටතේ මාස 5ක් ගත කළේය.භාවනා ප්‍රගුණ කොට ඉන් ඇවටර් සමාධියට ඇතුළුවීමට තරම් ඉවසා සිටීමට නොහැකි වූ පසු රෝකු, ඇවටර් සමාධියට ඇතුළු වීමට එම වර්ෂයේ සූර්ය නිවෘත්තිය (winter solstice) යොදා ගැනීමට තැත් කළේය.(එය සිදු කරන්නේ තම ඇස් සූර්ය නිවෘත්තියේ සූර්යාලෝකයට එල්ල කර එහි ශක්තිය තම සිරුරට අවශෝෂණය කර ගැනීමෙනි) ඔහු සාර්ථකත්වයට පත් වූවත් එකෙනෙහිම ඔහුට ඇවටර් සමාධිය පාලනය කරගත නොහැකිව එම අග්නි දේවස්ථානය විනාශ කිරීමට පටන් ගත්තේය.ඔහු අතින් ඇතිවුණු භූ කම්පනය හේතුවෙන් එම දූපතේ පිහිටි ගිනි කන්දද සක්‍රීය වුනි.එවිටම අග්නි පූජක කාජා පැමිණ, රෝකුගේ ඇස් සූර්ය නිවෘත්තියේ සූර්යාලෝකයෙන් ඉවතට එල්ල කොට ඔහුව ඇවටර් සමාදියෙන් මුදවා, ඔහුව විනාශ වෙමින් පැවතුනු අග්නි දේවස්ථානයෙන් හා චන්ද්‍රවංක දූපතන් ඉවතට රැගෙන ගියේය.

මෙයින් පසු තමන්ටම දඩුවමක් ලෙස රොකු, නැවත එම ස්ථානයේ අග්නි දේවස්ථානයක් නිර්මාණය කළේය.තවද මෙම සිදුවීමෙන් පසු රෝකු තම පුහුණුවේදී වඩාත් ඉවසිලිමත් මෙන්ම ඇවටර් සමාධිය භාවිතයේදී වඩා ප්‍රවේශම්කාරී ද විය.

ඉන්පසු පරිපූර්ණ ඇවටර් වරයෙකු ලෙස රෝකු නැවත අග්නි රාජ්‍යට පැමිණියේය.තම ළමා කල පෙම්වතිය වූ ට-මින් (Ta-Min) (6 රූපය)සමග විවාහ වූ ඔහුට රීනා (Rina) නම් දැරියක් විය.රෝකුට, සොසින්ගේ ලෝකයම පාලනය කිරීමේ ආශාව පිළිබද ඉවවැටී ඔවුන් අතර ගැටුම් ඇති වූවත් ඔහු සොසින්ව පරාද නොකරම මිය ගියේය.එමනිසා රෝකුට පරාජිත ඇවටර් වරයෙකු ලෙස මිය යාමට සිදු විය.('ATLA S03:E06 - The Avatar and the Firelord' බලන්න.මම මෙතන ඒ සිද්දිය සදහන් කරන්නේ නැහැ.)
වයස 28 වන විට රෝකු පරිපූර්ණ ඇවටර් වරයෙකු (Fully Realized Avatar) බවට පත් විය.ඔහු සියලු මූලධාතු බන්ධනයේ නිපුනයෙකු වූ අතර ඇවටර් සමාධියේ ද ප්‍රගුණයෙකු විය.ඔහු සතු උප බන්ධන හැකියාව වූයේ ලාවා බන්ධනයයි.ඔහු තම ජන්ම මූලධාතුව වූ අග්නිබන්ධනයේ කෙල පැමිණියෙකු විය.ඔහුට ඇවටර් සමාධියේ උදව්වකින් තොරව, අනෙක් මූලධාතු බන්ධනය කරමින්ම වුවද අති විශාල අග්නි ජාලා ඇති කල හැකි විය.අති දක්ෂ ඇවටර් වරයෙකු වූ රෝකු පරාජිත ඇවටර් වරයෙකු ලෙස මිය ගියත් ඔහුගේ බර කරට ගෙන ඇවටර් ඈන්ග්, ඔහු විසින් සිදු වූ සියලු වැරදි නැවත නිවැරදි කළේය.ඇවටර් රෝකු එදා මෙදා තුර බිහි වූ ලාවා බන්ධකයන් කිහිප දෙනාගෙන් කෙනෙකි. තවද ඇවටර් රෝකු ගේ සුරතලා මෙන්ම සත්ව මාර්ගෝපදේශකයා (Animal Guide) වූයේ ෆැන්ග් (Fang) නම් මකරා යි. (7 රූපය)

***Avatar Roku***

__Biographical information__

Nationality-Fire Nation Capital, Fire Nation
Ethnicity-Fire Nation
Age-70 at death
Born-82 BG
Died-12 BG
Predecessor-Kyoshi (as the Avatar)
Successor-Aang (as the Avatar)

__Physical description__

Gender -Male
Hair color-White (previously black)

__Personal information__

Love interest(s) -Ta Min (wife)
Allies-Fang, Ta Min, Rina, all Avatars, Monk Gyatso, Sozin (formerly), Sud, his waterbending master, Fire Sages, Kaja….
Enemies-Sozin….
Weapon of choice-The elements
Fighting style(s) -firebending, airbending, waterbending (Northern style), earthbending

__Chronological and political information__

Profession-Avatar
Position-Fully Realized Avatar, Upper-class Fire Nation citizen
………………………………………………………………………………………………………………………………………………………………….


<Guy Buddhima>




Comic Script ලිපිය

 
Back To Top
Copyright © 2014 Comic Script. Designed by OddThemes | Distributed By Gooyaabi Templates